ٹی 20 ورلڈ کپ کے 17ویں میچ میں انگلینڈ نے آسٹریلیا کے خلاف ٹاس جیت کر پہلے بولنگ کا فیصلہ کیا ہے۔
برج ٹاؤن میں کھیلے جارہے گروپ بی کے میچ میں انگلش کپتان جوز بٹلر نے ٹاس جیت کر مچل مارش الیون کو پہلے بیٹنگ کی دعوت دی ہے۔
جوز بٹلر کا کہنا تھا کہ کوشش ہوگی کہ آسٹریلیا کو کم رنز تک محدود رکھیں۔
- Advertisement -
مچل مارش کا کہنا تھا کہ پہلے میچ میں کامیابی کے بعد مورال بلند ہے کوشش کریں گے کہ بڑا ٹوٹل اسکور بورڈ پر سجائیں۔
انگلینڈ کا اسکاٹ لینڈ کے درمیان میچ بارش کی نذر ہوگیا تھا جبکہ آسٹریلیا نے اپنے پہلے میچ میں عمان کو باآسانی شکست دی تھی۔
واضح رہے کہ اس سے قبل کھیلے گئے میچ میں افغانستان نے نیوزی لینڈ کو اپ سیٹ شکست دی جبکہ بنگلہ دیش نے بھی سری لنکا کو ہرا کر کامیابی حاصل کی۔
