ناٹنگھم : انگلینڈ نے پاکستان کے خلاف تیسرے ون ڈے میچ میں ٹاس جیت کر پہلے بیٹنگ کا فیصلہ کرلیا۔
تفصیلات کے مطابق ناٹنگھم میں پاکستان انگلینڈ کی ٹیموں کے مابین کھیلے جانے والے پانچ روزہ ون ڈے میچ میں انگلش ٹیم نے ٹاس جیت کر بیٹنگ کا فیصلہ کر لیا ہے۔
اس موقع پر پاکستانی ون ڈے ٹیم کے کپتان اظہر علی نے میڈیا سے بات کرتے ہوئے کہا کہ ’’اگر ہم ٹاس جیت جاتے تو بیٹنگ کا فیصلہ کرتے تاہم اس میچ میں اچھی پرفارمنس دینے کی کوشش کریں گے۔
اظہر علی نے مزید کہا کہ دو میچوں میں شکست کے باوجود کھلاڑیوں کے حوصلے بلند ہیں اور وہ جیت کے عزم کے ساتھ میدان میں اتریں گے، ہم بالنگ، بیٹنگ اور فیلڈنگ میں بہتر کارکردگی دکھائیں گے۔
پڑھیں: انگلینڈ کے خلاف تیسرا ون ڈے، پاکستان ٹیم سیریز میں کم بیک کیلئے پرعزم
واضح رہے کہ انگلینڈ نے پاکستان کو 5 ایک روزہ میچوں کی سیریز کے دوسرے میچ میں 4 وکٹوں سے شکست دے کر سیریز میں 0-2 کی برتری حاصل کرلی ہے۔
