لندن: برطانوی وزیر اعظم بورس جانسن نے آج سے ملک بھر میں 5 افراد کے گھر سے باہر اکٹھے ہونے اور ملاقات کرنے کی اجازت دے دی۔
سماجی رابطے کی ویب سائٹ ٹوئٹر پر جاری بیان میں وزیراعظم بورس جانسن نے کہا کہ آج سے 5 افراد گھر کے اندر یا باہر اکٹھے وقت گزار سکتے ہیں یہ لوگوں کے لیے خوشی اور راحت کا لمحہ ہے۔
برطانوی وزیراعظم بورس جانسن نے عوام سےسماجی فاصلہ قائم رکھنےکی اپیل کرتے ہوئے ہاتھ دھونے اور احتیاطی تدابیر اختیار کرنے پر زور دیا۔
From today, in England, you will be allowed to meet up to five friends in public outdoor places or in your garden. This will be a moment of joy and relief for many.
Please remember to keep 2 metres away from those you don’t live with, and wash your hands regularly.
— Boris Johnson (@BorisJohnson) June 1, 2020
دیگر ممالک کی طرح برطانیہ میں بھی کرونا وائرس کا پھیلاو روکنے کےلیے گزشتہ دو ماہ کے زائد عرصے سے لاک ڈاون جاری ہے تاہم 29 مئی کو وزیر اعظم بورس جانسن نے لاک ڈاون کے قوانین میں تبدیلی کا اعلان کیا۔
بورس جانسن کا کہنا تھا کہ لاک ڈاؤن کم کرنے کے تمام 5 ٹیسٹ پورے کئے، پیر سے 6 افراد تک باہر اکٹھا ہونے کی اجازت ہوگی لیکن اس دوران شہری دوسروں کے گھروں میں رات قیام کرنے سے گریز کریں۔
انہوں نے کہا کہ احتیاطی تدابیر کیساتھ پرائمری، نرسری اسکول پیر سے کھل سکتے ہیں اور 15 جون سے سیکنڈری اسکولز بھی کچھ وقت کیلئے کھولے جاسکتے ہیں۔
برطانوی وزیر اعظم کا کہنا تھا کہ ضروری دکانیں اور کار شوروم بھی پیر سے کھل سکتے ہیں، بورس جانسن نے کہا کہ ٹیسٹ اینڈ ٹریس کے تحت جن افراد سے رابطہ کیا جائے وہ خود کو آئسولیٹ کریں۔
برطانوی وزیر اعظم بورس جانسن کا مزید کہنا تھا کہ آئسولیشن میں جانا ملکی آزادی کیلئے چھوٹی سی قیمت ہوگی۔