پشاور:خیبرپختونخوا میں طالبات کے اسکولوں میں مردوں کے داخلے پر پابندی عائد کردی گئی اور کہا کہ پروگرامز یا ایونٹ کیلئے بھی مہمان خصوصی فی میل ہی ہوگی۔
تفصیلات کے مطابق محکمہ تعلیم خیبرپختونخوا نے طالبات کے اسکولوں میں مردوں کےداخلے پرپابندی عائد کردی ، ڈائریکٹر ایجوکیشن نے بتایا کہ طالبات کے اسکولوں میں غیرمتعلقہ افراد کو فوٹو گرافی کی اجازت نہیں اور پروگرامز یا ایونٹ کیلئے بھی مہمان خصوصی فی میل ہی ہوگی۔
محکمہ تعلیم خیبرپختونخوا نے کہا کہ سیٹیزن پورٹل پر شکایات کے تناظر میں فیصلہ لیا گیا ہے۔
