The news is by your side.

سندھ کے سیلاب زدہ علاقوں میں وبائی امراض نے پنجے گاڑ لیے

سندھ کے سیلاب زدہ علاقوں میں وبائی امراض نے پنجے گاڑ لیے ہیں اور 24 گھنٹوں کو دوران مزید 4 متاثرین دم توڑ گئے ہیں۔

وزارت صحت کے مطابق گزشتہ 24 گھنٹوں کے دوران 3 سیلاب متاثرین کا انتقال گیسٹرو کے باعث ہوا ہے، مرنے والوں میں 2 مرد اور دو خواتین شامل ہیں جن میں سے تین کا تعلق ضلع جامشورو اور ایک کا ٹھٹھہ سے ہے۔

ذرائع کے مطابق سندھ سیلاب زدہ علاقوں میں 3 روز میں 10 متاثرین انتقال کرچکے ہیں اور یکم جون تاحال 328 سیلاب متاثرین زندگی کی بازی ہار چکے ہیں۔

واضح رہے کہ سندھ سمیت بلوچستان، کے پی اور جنوبی پنجاب کے سیلاب زدہ علاقوں میں وبائی امراض تیزی سے پھیل رہے ہیں، تاہم اس صورتحال میں بھی سندھ صوبہ دیگر کے مقابلے میں زیادہ متاثر ہو رہا ہے۔

ملک بھر میں یومیہ بنیادوں پر ہزاروں کی تعداد میں متاثرین مختلف وبائی امراض جن میں گیسٹرو، جلد، آنکھوں، پیٹ سمیت دیگر امراض کا شکار ہو رہے ہیں۔

Comments

یہ بھی پڑھیں