ترک صدر رجب طیب ایردوان نے رواں برس کو ’عائلی برس‘ قرار دیتے ہوئے کہا کہ ہم خاندانی ادارے کو مضبوط بنانے پر عمل پیرا رہیں گے۔
بین الاقوامی خبر رساں ادارے کی رپورٹ کے مطابق جسٹس اینڈ ڈیولپمنٹ پارٹی کے چیئرمین رجب طیب ایردوان نے اپنی پارٹی کی استنبول صوبائی خواتین کی شاخ کی ساتویں عمومی کانگریس سے خطاب کیا۔
ترک صدر نے کہا کہ خواتین کو نظر انداز کرنے سے کوئی بھی سیاسی تحریک نہ تو کامیاب بن سکتی ہے اور نہ ہی اپنے اہداف کو پا سکتی ہے۔
رجب طیب ایردوان نے وضاحت کرتے ہوئے کہا کہ آج دنیا میں جس گروہ پر سب سے تاریک منصوبے نافذ کیے گئے ہیں وہ خواتین ہیں۔ ترک صدر نے رواں برس کو ’عائلی برس‘ قرار دیا۔
ایردوان نے بچوں اور نوجوانوں کی ذہنی اور جسمانی صحت کو لاحق ہر قسم کے خطرات کے خلاف نبر آزما ہونے کا ذکر کرتے ہوئے کہا کہ ہم قوم کے کسی بھی فرد کو عالمی اور اخلاقی خطرات کے خلاف غیر محفوظ، تنہا یا بے بس نہیں چھوڑیں گے۔
اُنہوں نے کہا کہ ہمارے وطن میں، مرد اور عورت کے تصورات جنسی تفریق پر نہیں بلکہ ایک صنفی فرق پر مبنی ہیں۔ تفریق بازی نہ صرف خاندانی ادارے کو تباہ کرتی ہے بلکہ یہ چیز ہمیں جدت پسندی سے منخرف کر دیتی ہے۔
ہمارے ملک میں خواتین کو ہمیشہ خاندان اور معاشرے کے ایک لازم و ملزوم جزور کے طور پر دیکھا جاتا رہا ہے اور ہمیشہ ان کا احترام کیا جاتا ہے۔
افغانستان کے واحد لگژری ہوٹل پر طالبان نے قبضہ کرلیا
ترکیہ کے صدر کا کہنا تھا کہ جہاں شادی کی شرح تیزی سے کم ہو رہی ہے، وہیں طلاق کی شرح میں اضافہ ہورہا ہے، ہم رواں سال کو عائلی سال قرار دے کر خاندانی ادارے کو مضبوط کرنا جاری رکھیں گے۔
