امریکہ اور اتحادی شام میں داعش اور دہشتگردوں کی مدد کررہے ہیں،اردگان -
The news is by your side.

Advertisement

امریکہ اور اتحادی شام میں داعش اور دہشتگردوں کی مدد کررہے ہیں،اردگان

انقرہ : ترکی کے صدر رجب طیب اردگان نے کہا ہے کہ امریکی اتحادی افواج شام میں داعش اور دہشتگرد گروپوں کی حمایتی ہیں۔

رجب طیب اردوان کا کہنا ہے کہ ان کے پاس ایسے ناقابل تردید ثبوت موجود ہیں، جس سے ثابت ہوتا ہے کہ امریکہ اور اس کے اتحادی شام میں دہشتگرد گروپوں کی سرپرستی کر رہے ہیں، امریکہ اور اس کے اتحادی داعش اور کرد علیحدگی پسند گروپ وائی پی جی کی مدد کررہے ہیں۔

انہوں نے کہا کہ ترکی کے پاس ثبوت کےطورپرتصاویراورویڈیوز موجود ہیں۔

دوسری جانب ترک صدر کے اس الزام کے جواب میں امریکی محکمہ خارجہ کے ترجمان مارک ٹونر کا کہنا ہے کہ ترک صدر کا امریکا پر شامی دہشت گرد گروہوں کی مدد کا الزام مضحکہ خیز ہےرجب طیب اردوان کے الزامات میں میں صداقت نہیں۔

انکا مزید کہنا ہے کہ امریکہ شام اور عراق سمیت پوری دنیا سے داعش کا مکمل خاتمہ چاہتا ہے۔


مزید پڑھیں : شام میں ترکی کے14 فوجی جاں بحق


خیال رہے کہ ترکی اور شام کی سرحد سے 20 کومیٹر دور اہم قصبے الباب سے دولتِ اسلامیہ اور کرد جنگجوؤں کے خلاف اگست میں شروع ہونے والے ترک آپریشن میں اب تک 37 فوجی ہلاک ہو چکے ہیں۔

واضح رہے شام میں جاری خانہ جنگی میں اب تک 3 لاکھ سے زائد افراد ہلاک ہوچکے ہیں،جبکہ ملک کا بنیادی ڈھانچہ مکمل طور پر تباہ ہوچکا ہے۔

Comments

comments

یہ بھی پڑھیں