The news is by your side.

Advertisement

فلسطینیوں پراسرائیلی فوج کی فائرنگ ‘ ترک صدر کی مذمت

انقرہ : ترک صدر رجب طیب ادگان نے غزہ میں فلسطینیوں پر اسرائیلی فوج کی جانب سے فائرنگ کو غیرانسانی حملہ قرار دیتے ہوئے اس کی شدید مذمت کی ہے۔

تفصیلات کے مطابق ترکی کے شہراستنبول میں ترک صدر رجب طیب اردگان نے خطاب کے دوران اسرائیلی فوج کی جانب سے فلسطینیوں پرفائرنگ کی شدید مذمت کی۔

ترک صدر کا کہنا تھا کہ کیا آپ نے ان لوگوں کین جانب سے اسرائیلی فوج کی فلسطینیوں کے قتل عام کی مذمت سنی جو عفرین میں آپریشن پر تنقید کرتے ہیں۔

رجب طیب اردگان کا کہنا تھا کہ یہ لوگ ہمیں برابھلا کہتے ہیں لیکن اپنی سرزمین میں احتجاج کرنے والوں پراسرائیل کی جانب سے بھاری اسلحے سے حملے پرکچھ نہیں کہتے۔

غزہ: اسرائیلی فوج کی فائرنگ سے 17 شہری شہید‘ 1500 زخمی

خیال رہے کہ فلسطینی عوام کی جانب سے اسرائیلی بارڈر پر کیے جانے والے احتجاج پراسرائیلی فورسز کی شدید فائرنگ سے 17 شہری شہید جبکہ 1500 سے زائد زخمی ہوگئے تھے۔

اقوام متحدہ کی اسرائیلی فوج کے ہاتھوں بے گناہ فلسطینیوں کی شہادت کی پرزور مذمت

واضح رہے کہ اقوام متحدہ کی سلامتی کونسل کے ہنگامی اجلاس میں اسرائیلی فوج کے ہاتھوں بے گناہ فلسطینیوں کی شہادت کی پرزور مذمت کی گئی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں