انقرہ: ترک صدر رجب طیب اردوان نے 2023 کو ترک قوم کے لیے اہم ترین قرار دے دیا۔
تفصیلات کے مطابق ترکیہ کے صدر رجب طیب اردوان نے ایک بیان میں کہا ہے کہ 2023 میں جمہوریہ ترکیے کی ایک صدی مکمل ہو جائے گی، اور ترکیہ سو سال پہلے لگائی گئی پابندیوں سے آزاد ہو جائے گا۔
انھوں نے کہا کہ یہ صدی ترکوں کی صدی ہے، ترکیے نے ہر شعبے میں انقلابی ترقی کی ہے، شرنک کے پہاڑوں سے 15 کروڑ بیرل خام تیل دریافت ہوا۔
ترک صدر کا کہنا تھا کہ بحیرہ اسود سے 58 ارب کیوبک میٹر قدرتی گیس کے ذخائر دریافت ہوئے، ان نئی دریافتوں کی کل مالیت ایک ٹریلین ڈالر تک پہنچ گئی ہے ہے۔
خیال رہے کہ دو روز قبل ترکی کے مرکزی بینک نے کہا تھا کہ 2023 کے لیے ترکی کا اوّلین ہدف یہ ہے کہ ڈالر سے لیرا پر منتقل ہو جائیں، اپنے بیان میں بینک نے کہا کہ وہ بینکنگ میں لیرا کے ذخائر کا حصہ 60 فی صد تک بڑھانا چاہتے ہیں۔
