انقرہ : ترک ڈرامہ سیریز ارطغرل غازی مرکزی کردار انجن التان نے پاکستانیوں کو 74 ویں یوم آزادی کی مبارکباد دی اور نیک خواہشات کا اظہار کیا۔
تفصیلات کے مطابق پاکستان کے 74 ویں یوم آزادی کے موقع پر مبارکباد پیش کرنے کے لئے ترک ڈرامہ سیریز ارطغرل غازی مرکزی کردار انجن التان نے ترکی میں واقع پاکستانی سفارتخانے کا دورہ کیا اور ایک ویڈیو پیغام میں پاکستانی عوام کو یوم آزادی کی دلی مبارکباد پیش کی۔
انہوں نے اردو زبان میں جشن آزادی کی مبارکباد دیتے ہوئے کہا کہ تمام اہلِ پاکستان کو جشن آزادی مبارک۔
Exclusive to Emerging Pakistan:@Emergingpk @BilalKhanPasha
‘Ertugrul’ Engin Altan Düzyatan visited the Pakistan Consulate Istanbul to convey his greetings to the People of Pakistan on its 74th Independence Day through CG Bilal Khan Pasha. pic.twitter.com/2eKW5ifEgP— Zahir Rahimtoola (@zahirrahimtoola) August 13, 2020
ترکی میں پاکستان کے قونصل جنرل بلال خان پاشا نے سماجی رابطے کی ویب سائٹ ٹوئٹر پر انجن التان کے دورے کی تصاویر شیئر کرتے ہوئے کہا کہ "ہم یوم آزادی کے موقع پر اپنے بھائی انجن التان کی جانب سے پیار اور مخلص خواہشات کا اظہار کرنے پر ان کے مشکور ہیں، وہ جلد پاکستان کا دورہ کریں گے۔
https://t.co/4WTxbKxg6Y pic.twitter.com/5A2qPMlPP1
— Bilal Khan Pasha (@BilalKhanPasha) August 13, 2020
بلال خان پاشا نے سفارتخانے کے دورے کے دوران انجن التان کو ایک کتاب بھی تحفے میں دی۔
یاد رہے مئی میں پاکستان میں نشر ہونے والے ترک ڈرامے’’ ارطغرل‘‘ نے مقبولیت کے تمام ریکارڈ توڑ ڈالے تھے، اس سیریل نے پاکستان میں یوٹیوب ریکارڈ بھی بنایا تھا۔
ڈرامے میں ارطغرل اور حلیمہ سلطان کے کردار کو خوب پذیرائی ملی ہے، س ڈرامے کی کہانی تیرہویں صدی میں مسلمانوں کو عروج بخشنے والے بہادر قائی سردار ارطغرل غازی کے گرد گھومتی ہے،جنہوں نے چھے سو سال تک حکومت کرنے والی عظیم سلطنت عثمانیہ کے قیام کی راہ ہموار کی تھی۔
