The news is by your side.

Advertisement

ارطغرل غازی کے معروف کردار ’’آرتک بے‘‘ کے انتقال پر حلیمہ سلطان افسردہ

ترکی کے مشہور زمانہ ڈرامے ارطغرل غازی میں ’’آرتک بے‘‘ کا اہم کردار نبھانے والے اداکار ایبرک پیکن کے انتقال نے ایسرا بلجیک (حلیمہ سلطان) کو افسردہ کردیا۔

ایسرا بلجیک ترکی کی ایک معروف اداکارہ ہیں جنہوں نے دنیا بھر میں دھوم مچانے والے ڈرامے ارطغرل غازی میں حلیمہ سلطان کا مرکزی کردار ادا کیا اور اپنی خوبصورتی اور شاندار اداکاری کے باعث پاکستان میں بھی اپنے لاکھوں پرستار بنائے۔

ایسرا نے اسی ڈرامے کے ایک اور اہم کردار آرتک بے یعنی ایبرک پیکن کے انتقال پر اپنے جذبات کا اظہار کیا۔

انہوں نے انسٹاگرام پر ڈرامے کی پس پردہ ایک تصویر شیئر کی جس میں ان کے ساتھ ایبرک پیکن بھی نظر آرہے ہیں اور ساتھ ہی ترکی زبان میں لکھا۔

’’آج ایک مشکل دن ہے، آج میں نے اپنے پیارے بھائی ایبرک کو کھودینے پر دل شکستہ ہوں۔‘‘

انہوں نے مزید لکھا کہ ایبرک بھائی میرے سینئرز میں سے ایک تھے جنہوں نے اداکاری کے پیشے کے بارے میں میرے نقطہ نظر کو تبدیل کیا اور ان ہی کی وجہ سے دیرلیس ارطغرل کے ذریعے اداکاری کے شعبے میں میں نے پہلا قدم رکھا۔

ایبرک انتہائی خوش مزاج انسان اور بہترین کو ایکٹر تھے جن کے ساتھ میں نے بہت اچھا وقت گزارا۔

واضح رہے کہ ایبرک پیکن پیر کے روز ترکی میں انتقال کرگئے، انہیں کچھ عرصہ قبل پھیپھڑوں کا سرطان تشخیص ہوا تھا۔

Comments

یہ بھی پڑھیں