ایتھوپیا میں ایک انتہائی المناک حادثہ پیش آیا، جب شادی میں شرکت کیلئے جانے والے 71 باراتی اپنی جان گنوا بیٹھے۔
بین الاقوامی خبر رساں ادارے کی رپورٹ کے مطابق ایتھوپیا میں باراتیوں سے لدا ہوا ایک ٹرک بے قابو ہوکر دریا میں گر گیا، جس کے باعث 71 باراتی اپنی زندگیوں سے محروم ہوگئے۔
میڈیا رپورٹس کے مطابق افسوسناک حادثہ ضلع بونا میں پیش آیا جبکہ زخمی ہونے والے افراد کو بونا جرنل اسپتال میں منتقل کردیا گیا ہے۔
سرکاری ٹی وی کا کہنا ہے کہ مسافرشادی میں شرکت کے لیے جا رہے تھے جبکہ ہلاک ہونے والوں میں 68 مرد اور 3 خواتین شامل ہیں۔
واضح رہے کہ ایتھوپیا میں ڈرائیونگ کے انتہائی برے معیار اور گاڑیوں کی فٹنس نا ہونے کے باعث ہر سال ٹریفک حادثات میں متعدد افراد ہلاک ہوجاتے ہیں۔
اس سے قبل گزشتہ ہفتے پاکستان میں بھی وادی نیلم میں نگدر کے مقام پر باراتیوں کی گاڑی دریائے نیلم میں گرنے کے باعث 4 افراد جاں بحق ہوگئے تھے جبکہ دولہا شدید زخمی ہوگیا تھا۔
ڈی سی نیلم ندیم جنجوعہ کے مطابق زخمی ہونے والے دلہا کو قریبی اسپتال منتقل کردیا گیا، بارات مانسہرہ سے وادی نیلم کے نواحی علاقہ جانگن جارہی تھی۔
پانچ سو روپے کے لئے مزدور کا قتل
ڈی سی نیلم ندیم جنجوعہ کے مطابق مظفرآباد میں پیش آنے والے افسوسناک حادثے میں جاں بحق ہونے والے افراد کا تعلق مانسہرہ سے تھا۔
