ایتھوپیا کے علاقے ‘امہارا ‘میں مسافر کشتی حادثے کا شکار ہوگئی، جس کے باعث 19 افراد ہلاک ہو گئے۔
بین الاقوامی خبر رساں ادارے کی رپورٹ کے مطابق سوڈان میں داخلے کے دوران ایتھوپیا کی ایرٹرے سرحد سے بہتے دریا ‘تکیزے’ میں 26 افراد پر مشتمل کشتی ڈوب گئی ہے۔
کشتی حادثے میں 19افراد لقمہ اجل بن گئے، ایک بچے سمیت 7 افراد کو بچا لیا گیا ہے، بچائے گئے افراد کو فوری طبّی امداد کے لئے ہسپتال منتقل کر دیا گیا ہے۔
اس سے قبل یمن میں تارکین وطن کی کشتی رات گئے حادثے کا شکار ہوگئی، کشتی اُلٹنے کے باعث 45 افراد سمندر کی لہروں کی نظر ہوگئے۔
رپورٹس کے مطابق کشتی کو حادثہ تیز ہواؤں اور گنجائش سے زیادہ افراد کے سوار ہونے کی وجہ سے پیش آیا، حادثے کے وقت کشتی میں 45 تارکین وطن سوار تھے۔
روس میں مسافر ٹرین کو خوفناک حادثہ
رپورٹس کے مطابق کشتی میں سوار 4 افراد کو ریسکیو کرلیا گیا تھا،جبکہ ڈوبنے والے دیگر افراد کا تاحال معلوم نہ ہوسکا اور نہ ہی کشتی کے حوالے سے دیگر معلومات سامنے آئی ہے۔
