کراچی : بھارت کے احمد آباد ایئرپورٹ پر اترنے میں ناکامی ایتھوپین طیارے نے کراچی ایئرپورٹ میں لینڈنگ کی۔
تفصیلات کے مطابق ایتھوپین ائیرلائن کا بوئنگ 737کارگو طیارہ عدیس ابابا سے احمدآباد پہنچا، ذرائع نے بتایا کہ طیارے نے سردارولبھ بھائی پٹیل انٹرنیشنل ایئرپورٹ احمد آباد پر لینڈنگ کی کوشش کی۔
ذرائع ایوی ایشن کا کہنا تھا کہ طیارہ رن وے کے قریب پہنچا مگر نامعلوم وجہ سے لینڈنگ نہ کرسکا، جس کے بعد اے ٹی سی کی ہدایت پر پائلٹ 1500 فٹ کی بلندی سے واپس گواراؤنڈ پر چلاگیا۔
- Advertisement -
ذرائع نے کہا کہ پائلٹ نے پرواز ای ٹی 3644 کا رخ کراچی کی طرف کردیا اور سوا گھنٹے کی پرواز کے بعد طیارے نے کراچی کے جناح ایئر پورٹ پر لینڈنگ کی، کارگو طیارہ بعد میں کراچی سے احمدآباد گیا۔
