The news is by your side.

Advertisement

یورپی یونین اور پاکستان کے درمیان 13 ملین یورو کا معاہدہ طے

اسلام آباد : یورپی یونین اورپاکستان میں پبلک فنانشل مینجمنٹ کیلئے13 ملین یوروکا معاہدہ طے پاگیا ، وفاقی وزیرحماد اظہر کا کہنا ہے کہ پروگرام کی مدد سے معاشی،معاشرتی ترقی کو فروغ دیا جائے گا۔

تفصیلات کے مطابق یورپی یونین اورپاکستان کے درمیان پبلک فنانشل مینجمنٹ کیلئے13 ملین یوروکا معاہدہ طے پاگیا ، سیکریٹری اقتصادی امور پرویز عباس اور یورپی یونین کی سفیر نےمعاہدےپردستخط کئے، معاہدے پر دستخط کی تقریب میں وفاقی وزیر اقتصادی امور حماد اظہر بھی شریک تھے۔

معاہدے کے تحت یورپی یونین میکروفسکل پالیسیوں،بجٹ تیاری ،فورکاسٹنگ کیلئے معاونت دےگا۔

اس موقع پر وفاقی وزیرحماد اظہر نے کہا کہ پروگرام کی مدد سے معاشی،معاشرتی ترقی کو فروغ دیا جائے گا، پبلک فنانشل سپورٹ کا دائرہ کارسندھ، بلوچستان اوروفاقی سطح پر ہوگا، ہمیں ملک میں مساوی معاشی وسماجی ترقی کو یقینی بنانا ہے۔

حماد اظہر کا کہنا تھا کہ ملک کا معاشی استحکام حکومت کی اولین ترجیح ہے، یورپی یونین سے معاشی و سماجی اشتراک جاری رہے گا۔

fb-share-icon0
Tweet 20

Comments

comments

یہ بھی پڑھیں