یورپی یونین نے غزہ کی صورتحال پر اظہار افسوس کرتے ہوئے اسرائیل سے غزہ کا محاصرہ ختم کرنے کا مطالبہ کیا ہے۔
غیرملکی میڈیا کے مطابق یورپی یونین زور دیتے ہوئے کہا کہ غزہ میں انسانی بحران اور اموات ناقابل قبول ہیں، غزہ میں امدادی سامان کی فوری اور بلاروک ٹوک فراہمی یقینی بنائی جائے، غزہ میں اقوام متحدہ اور امدادی اداروں کو آزادانہ کام کرنے کی اجازت دی جائے۔
یورپی یونین آئندہ ماہ اسرائیل کی جانب سے انسانی حقوق کی خلاف ورزیوں پرغورکریگی، انسانی حقوق کی خلاف ورزیوں پر رپورٹ کے بعد یورپی کونسل اسرائیل پرممکنہ پابندیوں پرغورکریگی۔
اسرائیل کا فلسطین سے متعلق ایک اور ظالمانہ اقدام، یورپی یونین نے خبردار کر دیا
دوسری جانب برطانوی اخبار نے دعویٰ کیا ہے کہ امریکا اور اسرائیل 2 ہفتوں میں غزہ جنگ ختم کرنے پر متفق ہو گئے، ٹرمپ اور نیتن یاہو نے خفیہ ٹیلی فونک گفتگو میں غزہ جنگ بندی پر اتفاق کیا ہے جبکہ ٹرمپ نیتن یاہو میں غزہ کے مستقبل کی قیادت سے متعلق فیصلہ بھی طے پایا ہے۔
اخبار نے لکھا کہ خفیہ کال میں امریکی وزیرخارجہ اور اسرائیلی وزیراسٹریٹیجک امور شامل تھے، ٹرمپ نے نیتن یاہو کو یقین دہانی کروائی کہ غزہ جنگ کا خاتمہ امریکا کی قیادت میں ہو گا۔
یہ بھی طے پایا کہ غزہ جنگ بندی کے بعد حماس قیادت کو جلاوطن کیا جائے گا، اسرائیلی میڈیا کا کہنا ہے کہ جنگ بندی کا باقاعدہ اعلان آئندہ 2ہفتے میں متوقع ہے۔
