برسلز: روس سے تیل کی درآمد پر پابندی کے سلسلے میں یورپی یونین آخر کار ایک معاہدے پر پہنچ گیا ہے۔
تفصیلات کے مطابق یورپی یونین نے پیر کو برسلز میں ایک خصوصی اجلاس کے دوران روس سے درآمد ہونے والے تیل پر جزوی پابندی عائد کرنے کا معاہدہ کر لیا ہے۔
یورپی کونسل کے سربراہ چارلس مشیل کے مطابق یورپی یونین نے روسی تیل کی درآمد پر جزوی پابندی عائد کرنے پر اتفاق کیا ہے، انھوں نے سوشل میڈیا پر کہا کہ یہ معاہدہ فوری طور پر روس سے درآمد ہونے والے دو تہائی سے زیادہ تیل کی امپورٹ روک سکے گا۔
تاہم اس معاہدے کی تفصیلات جاری نہیں کی گئی ہیں، غیر ملکی میڈیا کے مطابق روس کے خلاف پابندیوں کا چھٹا پیکج 4 مئی کو یورپی کمیشن کی جانب سے تجویز کیا گیا تھا۔
روس مخالف یورپی اتحاد ٹوٹنے لگا
ان میں تمام روسی تیل، سمندری اور پائپ لائن، خام اور ریفائنڈ کی درآمد پر مکمل پابندی شامل تھی۔
خیال رہے کہ یورپی یونین کے وزرائے خارجہ ہنگری کی مخالفت کی وجہ سے 16 مئی کو پابندیوں کے حوالے سے کسی معاہدے پر پہنچنے میں ناکام رہے تھے۔
