ماسکو: روس نے یوکرین میں لڑائی کو ہوا دینے والے یورپی ممالک کو خبردار کرتے ہوئے کہا ہے کہ جلد وہ مذاکرات کی بھیک مانگیں گے۔
غیر ملکی میڈیا رپورٹس کے مطابق روسی سلامتی کونسل کے نائب چیئرمین دمتری میدویدیف نے کہا ہے کہ یوکرین میں مغربی ملکوں کی شکست یقینی ہے، وہ اپنی ساکھ بچانے کے لیے مذاکرات کی بھیک مانگیں گے۔
میدویدیف نے دعویٰ کیا کہ مغرب اس حد تک کیف کی حمایت جاری نہیں رکھے گا کہ اس کے مفادات کو نقصان پہنچے، کچھ وقت لگے گا لیکن مغربی حکام بدل جائیں گے، ان کے اشرافیہ تھک جائیں گے اور یوکرین پر مذاکرات اور تنازع کو روک دینے کی بھیک مانگیں گے۔
میدویدیف نے روسی حملے کے ذریعے کیف میں حکومت کے مکمل خاتمے کی ضرورت پر زور دیتے ہوئے کہا کہ ہمارا مقصد کیف میں نازی حکومت کا مکمل خاتمہ ہونا چاہیے، صرف زمینوں کی آزادی اور اپنے لوگوں کا تحفظ نہیں۔
انھوں نے واشگاف انداز میں کہا کہ روس کو دشمن کو روکنا چاہیے اور پھر جارحانہ کارروائی شروع کرنی چاہیے۔
