نیدرلینڈز اور ترکیے کی ٹیمیں یورو کپ کے کوارٹر فائنل میں پہنچنے میں کامیاب ہوگئیں، نیدرلینڈز نے رومانیہ کو تین صفر سے شکست دی۔
نیدرلینڈز اور رومانیہ کے درمیان میونخ میں کھیلے گئے پری کوارٹر فائنل کے پہلے ہاف میں دلچسپ مقابلہ دیکھنے کو ملا۔
میچ کے 20 ویں منٹ میں کوڈی گیپکو نے گول کرکے نیدرلینڈ کو برتری دلائی، وقفے تک رومانیہ کی ٹیم کوئی گول نہ کرسکی۔
رومانیہ نے دوسرے ہاف میں بہتر کھیل پیش کیا لیکن 83 ویں منٹ میں نیدرلینڈز کی جانب سے ڈونیئل مالن نے دوسرا گول کرکے اپنی ٹیم کو جیت دلادی۔
انجری ٹائم میں ڈونئیل اپنا دوسرا اور مجوعی طور پر تیسرا گول کرکے نیدرلینڈز کو کوارٹر فائنل میں پہنچا دیا۔
دوسرے میچ میں ترکیے نے آسٹریا کو دو کے مقابلے میں ایک گول سے شکست دیدی، جس کے بعد یورو کپ میں کوارٹر فائنل کے لیے آٹھ ٹیموں کی لائن اپ مکمل ہوگئی۔
ٹی 20 ورلڈ کپ 2024 میں بننے والے نا قابل فراموش ریکارڈز
واضح رہے کہ نیدرلینڈز، پرتگال، اسپین، انگلینڈ، فرانس، جرمنی، سوئٹزرلینڈ اور ترکیے ٹاپ ایٹ ٹیموں میں شامل ہوچکی ہیں۔
