یورپی کمیشن اور اس کے شراکت داروں نے غزہ کے لیے میری ٹائم کوریڈور کا اعلان کر دیا۔
یورپی کمیشن، جرمنی، یونان، اٹلی، ہالینڈ، جمہوریہ قبرص، متحدہ عرب امارات، برطانیہ اور ریاستہائے متحدہ نے ضروری انسانی امداد کی فراہمی کے لیے ایک سمندری راہداری کھولنے کے منصوبے کا اعلان کیا ہے۔
یورپی کمیشن اور اس کے شراکت دار قبرص سے غزہ میں انتہائی اہم امداد پہنچانے کے لیے سمندری راستہ قائم کرنے پر متفق ہو گئے ہیں۔
بیان میں کہا گیا کہ قبرص جلد ہی سینئر حکام کو اس امر پر بات کرنے کے لیے بلائے گا کہ ہم کس طرح ضرورت مندوں کی مدد کرنے والے اس سمندری چینل کو تیز کر سکتے ہیں اور کس طرح مصر اور اردن سمیت زمینی اور ہوائی راستوں کی تکمیل کر سکتے ہیں۔
یورپی یونین نے قبل ازیں ایک سمندری راہداری کھولنے کا اعلان کیا تھا جس کے تحت قبرص سے غزہ کے ساحل تک امداد بھیجی جا سکتی ہے۔
یہ بحری گزرگاہ غزہ میں تمام ممکنہ راستوں سے انسانی امداد اور تجارتی اشیاء کی آمدورفت کو بڑھانے کے لیے ایک مستقل کوشش کا حصہ ہو سکتی ہے اور ضروری ہے۔
اسرائیل نے قبرص اور غزہ کے درمیان سمندری راہداری کے منصوبے کا خیر مقدم کیا ہے۔
