The news is by your side.

Advertisement

بڑی کامیابی ،چار مختلف تجرباتی دوائیوں سے کورونا وائرس کا آزمائشی علاج شروع

برسلز : یورپ میں کورونا وائرس کاآزمائشی علاج شروع کردیاگیا، چار مختلف تجرباتی دوائیں بتیس ہزار افراد کو دی جا رہی ہیں, یورپی وزرائے خارجہ  کا کہنا ہے کہ بیماری سے بچنے کا واحد حل مل کر کام کرنا ہے۔

تفصیلات کے مطابق برسلز میں يورپی وزرائے خارجہ کا کورونا سے متعلق خصوصی اجلاس ہوا، جس میں شرکاکو بتایا گیا کہ يورپ ميں کورونا وائرس کا آزمائشی علاج شروع کردیا گیا ہے۔

اجلاس میں بتایا گیا کہ چارمختلف تجرباتی ادويات کےکلينيکل ٹيسٹ شروع کر کےبتیس ہزارافرادکويہ ادويات آزمائشی طورپردی جارہی ہيں، جن مریضوں کو یہ ادویات دی جا رہی ہیں، ان کا تعلق جرمنی، فرانس، بیلجیم، لکسمبرگ، برطانیہ، سپین اور ہالینڈ سے ہے۔

اس موقع پر یورپی وزرائے خارجہ کا کہنا تھا کہ ہمیں تعاون بڑھانےکی ضرورت ہے،بیماری سےبچنے کا واحد حل مل کرکام کرنا ہے۔

گذشتہ روزکینیڈین دوا ساز کمپنی ایمرجنٹ بائیو سولوشن کے ڈاکٹرز کا کہنا تھا کہ ملک میں جو افراد کرونا وائرس سے متاثر ہوچکے ہیں ان کی صحت یابی کے لیے ادویات کی تیاری کا کام آخری مراحل میں داخل ہوچکا ہے۔

رپورٹ کے مطابق ایمرجنٹ بائیو سولوشن کرونا وائرس کی وجہ سے ہونے والی بیماری کا تجرباتی علاج تیار کررہا ہے، ایک ہی وقت میں کرونا ویکسین پر کام کرنے کے لیے دو امریکی دوا ساز کمپنیوں کے ساتھ شراکت کی ہے۔

مزید پڑھیں : دوا ساز کمپنی کرونا علاج دریافت کرنے کے قریب پہنچ گئی

ڈاکٹر ساؤرڈ کا کہنا تھا کہ گزشتہ ہفتے کلینیکل مرحلے کی ویکسین کمپنی نوووایکس کے ساتھ ساتھ بائیو ٹیک کمپنی واکسارٹ کے ساتھ مل کر دو اورل ویکسین تیار کی ہیں۔

خیال رہے ایک امریکی ڈاکٹر نے دعویٰ کیا ہے کہ وہ کرونا وائرس کی دوا بنانے میں اگلے 3 سے 4 ہفتوں میں کامیاب ہوجائیں گے، ان کی بنائی گئی دوا صرف 20 منٹ میں اس موذی وائرس کا مقابلہ کر کے اسے ختم کرسکتی ہے۔

واضح رہے کہ دنیا بھر میں کرونا وائرس سے اموات کی تعداد 16 ہزار سے تجاوز کرچکی ہے جبکہ کرونا وائرس کے مریضوں کی تعداد 3 لاکھ 53 ہزار 455 ہوگئی ہے، دنیا بھر میں کرونا سے صحت یاب ہونے والے افراد کی تعداد ایک لاکھ 616 ہے۔

fb-share-icon0
Tweet 20

Comments

comments

یہ بھی پڑھیں