The news is by your side.

Advertisement

یورپی یونین پاکستان کا بڑا تجارتی اور سرمایہ کار پارٹنر ہے، عمران خان

اسلام آباد : وزیراعظم عمران خان نے کہا ہے کہ یورپی یونین پاکستان کا بڑا تجارتی اور سرمایہ کار پارٹنر ہے، رکن ممالک کے ساتھ تعلقات کو اہمیت دیتے ہیں۔

ان خیالات کا اظہار انہوں نے وزیراعظم ہاؤس میں ملاقات کیلئے آنے والی یورپی کمیشن کی نمائندہ خصوصی برائے خارجہ و سیکورٹی پالیسی فیڈریکا موگیرینی سے گفتگو کرتے ہوئے کیا۔

وزیراعظم عمران خان نے پاکستان اور یورپی یونین کے تعلقات پر اظہار اطمینان کرتے ہوئے کہا کہ یورپی یونین پاکستان کا بڑا تجارتی اور سرمایہ کار پارٹنر ہے، یورپی یونین اور اس کے رکن ممالک کے ساتھ دیرینہ تعلقات کو انتہائی اہمیت کی نگاہ سے دیکھتے ہیں۔

وزیر اعظم نے جی ایس پی پلس کے بعد دوطرفہ تجارت میں اضافے کا خیرمقدم کیا، وزیر اعظم نے یورپی کمیشن کی نمائندہ خصوصی کو موجودہ علاقائی صورتحال، افغان مفاہمتی امن عمل اور بھارت کے ساتھ کشیدگی کم کرنے میں پاکستان کے مثبت کردارسے بھی آگاہ کرتے ہوئے مطالبہ کیا کہ یورپی یونین مقبوضہ کشمیر میں انسانی حقوق کی خلاف ورزیاں اجاگر کرے۔

ملاقات میں گفتگو کرتے ہوئے فیڈریکاموگیرینی نے پلوامہ واقعے کے بعد کشیدہ صورتحال کو بہتر انداز میں سنبھالنے پروزیراعظم کی تعریف کی اور وزیراعظم کے اصلاحاتی ایجنڈا کیلئے تعاون کی یقین دہانی بھی کرائی۔

مزید پڑھیں: آرمی چیف سے یورپی کمیشن کی نمائندہ خصوصی کی ملاقات

واضح رہے کہ اس سے قبل  یورپی کمیشن کی نمائندہ خصوصی برائے خارجہ و سیکورٹی پالیسی فیڈریکا موگیرینی  نے آرمی چیف جنرل قمر باجوہ اور وزیر خارجہ شاہ محمود قریشی سے بھی ملاقات کی تھی۔

Comments

comments

یہ بھی پڑھیں