اسلام آباد : چیئرمین تحریک انصاف عمران خان کا کہناہے کہ ڈونلڈ ٹرمپ بھی نوازشریف کو پاناما اسکینڈل سے نہیں بچاسکتے۔
تفصیلات کےمطابق تحریک انصاف کے سربراہ عمران خان کا کہناہے کہ نوازشریف سے ڈونلڈ ٹرمپ کی گفتگو اچھی خبر ہے۔
عمران خان نے سماجی رابطے کی ویب سائٹ ٹوئٹر پر ٹوئٹ میں لکھاکہ اگرڈونلڈ ٹرمپ کا خط بھی آگیاتب بھی نوازشریف پاناما سے نہیں بچ سکتے۔
Good news is Trump spoke to Nawaz Sharif. Bad news for NS is this won’t save him from Panama scandal – not even if a Trump letter arrived!
— Imran Khan (@ImranKhanPTI) December 1, 2016
یاد رہے کہ گزشتہ روزوزیراعظم نواز شریف نے نو منتخب امریکی صدر ڈونلڈ ٹرمپ کو ٹیلی فون کیا اور انہیں صدر منتخب ہونے پر حکومت اور پاکستانی عوام کی جانب سے دلی مبارک باد پیش کی تھی۔
مزید پڑھیں:وزیراعظم کا ڈونلڈ ٹرمپ کو فون، دورہ پاکستان کی دعوت
نواز شریف نے امریکی صدر کو دورہ پاکستان کی دعوت دیتے ہوئے کہاتھا کہ میں آپ سے جلد ملاقات کا متمنی ہوں اور اہلیانِ پاکستان آپ کے استقبال کے لیے آپ کی آمد کے منتظر ہیں۔
ڈونلڈ ٹرمپ نے وزیراعظم پاکستان سے کہا تھاکہ آپ کی گفتگو سے لگ رہا ہے کہ ہم ایک دوسرے کو کافی عرصے سے جانتے ہیں،آپ اچھی شہرت رکھتے ہیں اور آپ کی کارکردگی ہرشعبے میں نظر آتی ہے۔
واضح رہے امریکی صدر ڈونلڈ ٹرمپ کے منتخب ہونے کے بعدوزیراعظم پاکستان سے یہ ان کا پہلا رابطہ تھاجس میں دونوں ممالک کے درمیان باہمی تعلقات پر خوشگوار انداز میں تبادلہ خیال کیاگیاتھا۔
