15.9 C
Ashburn
ہفتہ, مئی 18, 2024
اشتہار

سعودی شہریوں کی صلاحیتوں میں اضافے کے لیے ایک اور پروگرام

اشتہار

حیرت انگیز

ریاض: سعودی عرب کے شہریوں کی مختلف شعبہ جات میں مہارت و صلاحیتوں میں اضافے کے لیے مختلف پروگرامز جاری ہیں، اب حال ہی میں مقامی شہریوں کے لیے ایونٹ مینجمنٹ کا تربیتی پروگرام شروع کرنے کا اعلان کیا گیا ہے۔

اردو نیوز کے مطابق فیفا ورلڈ کپ میں کلیدی کردار ادا کرنے والی فرمز میں سے ایک کے ذریعے ہزاروں سعودی شہریوں کو ایونٹ مینجمنٹ اور حفاظتی پروٹوکول کی تربیت دی جائے گی۔

قطر میں قائم اسٹیڈیم ایل ایل سی نے نئی اکیڈمی میں سروس فراہم کرنے کے لیے سعودی ایکسیلنس کمپنی کے ساتھ مفاہمت کی ایک یادداشت پر اتفاق کیا ہے۔

- Advertisement -

یہ معاہدہ اس وقت سامنے آیا ہے جب مملکت معیشت کو متنوع بنانے اور تیل کی آمدنی پر انحصار کم کرنے کے وژن 2030 انیشی ایٹو کے حصے کے طور پر اپنے تفریحی اور لائیو ایونٹس کے شعبے کو فروغ دینا چاہتی ہے۔

اسٹیڈیم ایل ایل سی نے قطر میں 2022 کے فیفا ورلڈ کپ میں تقریباً 8 ہزار 500 آپریٹوز کو تربیت فراہم کی جس سے ٹورنامنٹ کے دوران 8 مقامات پر مجموعی طور پر 3.4 ملین شائقین کو محفوظ رکھنے میں مدد ملی۔

اسٹیڈیم کے مالک اور بانی ڈیوڈ میکاٹمنی کا کہنا تھا کہ یہ واقعی ایک دلچسپ معاہدہ ہے جو سعودی عرب میں اسپورٹس کو آگے بڑھانے میں کلیدی کردار ادا کرے گا۔

انہوں نے کہا کہ سعودی عرب کی آبادی 35 ملین سے زیادہ ہے اور ان میں دو تہائی سے زیادہ کی عمریں 35 سال سے کم ہیں، ملک میں سیکیورٹی اور ایونٹس مینجمنٹ کی صنعت کی وسعت اور ملازمتوں کے مواقع پیدا کرنا اس کی اسپورٹس کی صلاحیت کو کھولنے کی کلید ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں