The news is by your side.

Advertisement

پرندے کو نگلنے والی مکڑی کی ویڈیو وائرل

نیویارک: سوشل میڈیا پر وائرل ہونے والی ویڈیو میں ایک کالے رنگ کی مکڑی کو پرندہ نگلتے دیکھا جاسکتا ہے۔

کیا آپ نے کبھی کسی مکڑی کو پرندہ نگلتے ہوئے دیکھا ہے؟ اگر نہیں تو اس ویڈیو میں آپ دیکھیں گے کہ کس طرح ایک مکڑی نے پرندے کو نگل لیا۔

اس حوالے سے سماجی رابطے کی ویب سائٹ ٹویٹر پر ‘قدرت خوفناک ہے’ نامی اکاؤنٹ سے ایک ویڈیو شیئر کی گئی جس کو دیکھ کر صارفین سکتے میں آگئے۔ 54 سیکنڈز کی ویڈیو میں دیکھا جاسکتا ہے کہ مکڑی آہستہ آہستہ پرندے کو نگل رہی ہے۔ یقیناََ ویڈیو دیکھنے والوں کے لیے یہ ایک خوفناک منظر ہے۔

سوشل میڈیا پر وائرل ہونے والی اس ویڈیو کو اب تک 3 لاکھ 54 ہزار سے زائد لوگ دیکھ چکے ہیں۔

ٹویٹر پر وینسینٹ نامی صارف نے ویڈیو پر ردعمل دیتے ہوئے اپنے پیغام میں لکھا کہ ہر گزرتے دن کے ساتھ یہ مکڑیاں مضبوط ہو رہی ہیں وہ آپ کو سوتے ہوئے دیکھ رہی ہیں۔

ایک اور صارف نے اپنے پیغام میں لکھا کہ اے میرے خدا ، گھر کے مالکان کے لیے دعائیں جہاں ان مکڑیوں نے اپنا گھر بنا لیا ہے۔

سماجی رابطے کی ویب سائٹ ٹویٹر پر ایک اور صارف نے لکھا کہ قدرت خوفناک ہے۔

Comments

یہ بھی پڑھیں