site
stats
پاکستان

کرپشن کے شواہد اکھٹے کیے جائیں، عمران خان کی ہدایت

اسلام آباد: چیئر مین تحریک انصاف عمران خان نے پارٹی رہنماوں کو پانامہ لیکس کے معاملے پر جارحانہ انداز اپنانے کی ہدایت کرتے ہوئے ن لیگ پر خاص نظر رکھنے اور کرپشن کے ثبوت اکھٹے کرنے کا ٹاسک دے دیا۔

تفصیلات کے مطابق عمران خان کی زیر صدارت پی ٹی آئی قیادت کا اہم اجلاس بنی گالا میں منعقد ہوا، جس میں سپریم کورٹ میں زیر سماعت پانامہ لیکس کے معاملے اور ملکی سیاسی صورت حال سمیت این اے 110 کے کیس پر تبادلہ خیال کیا گیا۔


پڑھیں: وزیراعظم کابینہ کوبائی پاس نہیں کرسکتے،سپریم کورٹ


 اجلاس میں جہانگیر ترین، پرویز خٹک، شیریں مزاری، اسد قیصر اور دیگر رہنماء شریک ہوئے،اس موقع نعیم بخاری، اسحاق خاکوانی اور بابر اعوان پر مشتمل قانونی ٹیم نے عمران خان کو پانامہ کیس پر بریفنگ دی۔

ذرائع کے مطابق عمران خان نے رہنماوں کو پانامہ معاملے پر پارٹی موقف بھرپور اور جارحانہ انداز میں پیش کرنے کی ہدایت کرتے ہوئے حکمراں جماعت کی کرپشن کے ریکارڈز اور شواہد اکٹھے کرنے کی ہدایت بھی کر دی۔


مزید پڑھیں: پانامہ لیکس کیس ، سپریم کورٹ کا فریقین سے تحریری جواب طلب


اجلاس میں مسلم لیگ ن کی کرپشن کے حوالے سے شواہد اکھٹے کرنے کے معاملے پر تمام اراکین نے ابتدائی طور پر نندی پور پاور پراجیکٹ میں کرپشن کا ریکارڈ حاصل کرنے کا مشورہ دیا جس کے بعد چیئرمین نے اس منصوبے پر ہونے والی کرپشن کے ثبوت اکھٹے کرنے کی منظوری دی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top