کراچی: منگھوپیر چنگی موڑکے قریب دبئی سے کراچی آنے والا نوجوان کے قتل میں اے وی ایل سی اہلکار کے ملوث ہونے کا شواہدمل گئے۔
تفصیلات کے مطابق کراچی کے علاقے منگھوپیر چنگی موڑ کے قریب پولیس اہلکار کی فائرنگ سے نوجوان کی ہلاکت کے معاملے پر اے وی ایل سی اہلکار کے ملوث ہونے کا شواہد مل گئے۔
پولیس ذرائع نے بتایا کہ اے وی ایل سی ٹیم منگھو پیر کی حدود میں اسنپ چیکنگ کررہی تھی، چوری کی موٹر سائیکلوں کی اسمگلنگ اسی راستے سے کی جاتی ہے۔
ذرائع کا کہنا تھا کہ اہلکاروں نے اندھیرے میں رکنےکااشارہ کیاموٹر سائیکل سوار ہاشم اور شہزاد نہیں رکے، فائرنگ کرکے اہلکاروں نے موبائل میں کپڑے بدلے اور وقوع سے فرار ہوئے تاہم واقعے میں ملوث اہکاروں کی تلاش جاری ہے۔
دوسری جانب منگھوپیر چنگی موڑ کے قریب پولیس اہلکار کی فائرنگ نوجوان کی ہلاکت کے واقعے کا مقدمہ درج کرلیا گیا ہے۔
نامعلوم پولیس موبائل میں موجوداہلکاروں کیخلاف مقتول کےبھائی کی مدعیت میں مقدمہ درج کیا گیا، پولیس حکام کا کہنا تھا کہ مقدمہ قتل کی دفعات کے تحت منگوپیر تھانے میں درج کیا، نامعلوم پولیس موبائل میں موجوداہلکاروں کے خلاف کارروائی کی جائے۔
