سعودی عرب کے سابق انٹیلجنس چیف شہزادہ ترکی الفیصل نے امریکی صدر ڈونلڈ ٹرمپ کے حال ہی میں منظر عام پر آنے والے منصوبے پر تنقید کی ہے۔
العربیہ کی رپورٹ کے مطابق سابق سعودی انٹیلجنس چیف شہزادہ ترکی الفیصل نے امریکی صدر ڈونلڈ ٹرمپ کو خط لکھ دیا جس میں انہوں نے کہا ہے کہ فلسطینیوں کو غزہ سے کہیں اور بسانا ہے تو جافہ اور حیفہ منتقل کردیں۔
سعودی انٹیلجنس کے سابق چیف نے کہا کہ محترم صدر ٹرمپ! فلسطینی عوام غیر قانونی تارکین وطن نہیں ہیں جنہیں کسی دوسرے علاقے میں بھیج دیا جائے، یہ زمینیں ان کی ہیں اور وہ گھر جو اسرائیل نے تباہ کیے تھے وہ انہیں دوبارہ بنائیں گے۔
شہزادہ ترکی الفیصل نے لکھا اگر غزہ والوں کو منتقل کرنا چاہتے ہیں تو اسرائیل میں حیفہ، جافہ اور دیگر قصبوں میں انہیں اپنے گھروں کو واپس بھیجا جائے، جہاں سے اسرائیل نے انہیں بے دخل کیا تھا۔
شہزادہ ترکی الفیصل نے ا مریکی صدر کو خط میں لکھا کہ فلسطینیوں کو اسرائیل میں واقعہ زیتون اور کینو کے باغات بھی جانے کی اجازت دی جائے۔
خط کا اختتام کرتے ہوئے انہوں نے کہا کہ مشرق وسطیٰ میں کوئی امن تب تک نہیں قائم ہو سکتا جب تک اس عظیم مسئلے کو انصاف اور برابری کے ساتھ حل نہیں کیا جاتا، آپ اپنا نام تاریخ میں ایک امن کے داعی رہنما کے طور پر درج کریں۔
