دنیا بھر میں مہم جو افراد وال کلائمبنگ کرنا پسند کرتے ہیں جن میں مصنوعی طور پر تیار کی گئی دیوار پر چڑھا جاتا ہے۔
تاہم اب نیدر لینڈز میں ایسی دیوار تیار کی گئی ہے جو بڑے سے بڑے مہم جو کی بھی سانس روک سکتی ہے۔
- Advertisement -
نیدر لینڈز کے ایک چھوٹے سے قصبے میں بنائی جانے والی اس دیوار کو دنیا کی سب سے بلند دیوار قرار دیا جارہا ہے۔
اس دیوار کی لمبائی 121 فٹ ہے۔ اس دیوار کو برقرار رکھنے کے لیے 500 ٹن فاؤنڈیشن استعمال کی گئی ہے تاکہ یہ طوفانی ہواؤں میں بھی اپنی جگہ قائم رہ سکے۔
اس دیوار کا نام اسکیلبر رکھا گیا ہے جو چھٹی صدی کے بادشاہ کنگ آرتھر کی تلوار کا نام تھا۔
اس دیوار کو سر کرنے کے لیے پوری دنیا سے سیاح یہاں آتے ہیں اور اپنی ہمت کا امتحان لیتے ہیں۔
کیا آپ میں اس دیوار پر چڑھنے کا حوصلہ ہے؟
