راولپنڈی: پاک فوج میں اعلیٰ سطح پر افسران کی ترقیاں ، تقرریاں و تبادلے کیے گئے ہیں جب کہ 2 میجر جنرلزکو لیفٹیننٹ جنرل کے عہدے پر ترقی دی گئی۔
تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ پاک فوج میں اعلیٰ سطح پر افسران کی ترقیاں ، تقرریاں و تبادلے ہوئے ہیں۔
آرمی چیف جنرل قمر جاوید باجوہ نے2 میجر جنرلز کولیفٹیننٹ جنرل کے عہدے پر ترقی دی ہے۔ میجرجنرل علی عامراعوان اور میجرجنرل محمدسعیدکی لیفٹیننٹ جنرل کےعہدےپرترقی دی گئی ہے۔
آئی ایس پی آر کے مطابق لیفٹیننٹ جنرل ساحرشمشادمرزا کو چیف آف جنرل اسٹاف تعینات کیا گیاہے جب کہ لیفٹیننٹ جنرل ندیم ذکی منج ڈی جی ایس پی ڈی اور لیفٹیننٹ جنرل شاہین مظہرکورکمانڈر منگلا مقرر کیا گیا ہے۔
لیفٹیننٹ جنرل نعمان محمود کورکمانڈر پشاور،لیفٹیننٹ جنرل محمد سعید این ڈی یوکے صدر اور لیفٹیننٹ جنرل علی عامر اعوان کو آئی جی سی اینڈ آئی ٹی مقررکیاگیا ہے۔
