The news is by your side.

Advertisement

محکمہ ایکسائز سندھ کی ایک سالہ کارکردگی رپورٹ جاری

کراچی: محکمہ ایکسائز سندھ کی جانب سے جاری سالانہ کارکردگی رپورٹ میں بتایا گیا ہے کہ روڈ چیکنگ مہم کے دوران اب تک 10341 گاڑیوں کو چیک کیا گیا۔

تفصیلات کے مطابق محکمہ ایکسائز سندھ نے ایک سالہ کارکردگی رپورٹ میں بتایا کہ روڈ چیکنگ مہم کے دوران اب تک 10341 گاڑیوں کو چیک کیا گیا، کراچی میں 3095، حیدرآباد میں 2764 گاڑیوں کو چیک کیا گیا۔

محکمہ ایکسائز سندھ کے مطابق سکھر میں 1505، لاڑکانہ میں 1505، میرپورخاص میں 915 گاڑیاں چیک کی گئی، شہید بینظیر آباد میں 775 گاڑیوں کو چیک کیا گیا، مختلف وجوہات پر368 گاڑیاں قبضے لی گئیں،670 کے کاغذات ضبط کیے گئے۔

رپورٹ میں بتایا گیا کہ مہم میں مجموعی طور 70 لاکھ روپے ٹیکسز، جرمانے کی مد میں وصول کیے گئے۔ وزیر ایکسائز سندھ مکیش کمار چاؤلہ نے کہا کہ ٹیکس نادہندہ گان گاڑیوں کے خلاف مہم 2 جنوری تک جاری رہے گی۔

مکیش کمار چاؤلہ نے کہا کہ نادہندہ گان گاڑیوں کے مالکان کی سہولت کے لیے اضافی عملہ تعینات ہے، ٹیکس نادہندہ گان گاڑیوں کے مالکان فوری ٹیکسز جمع کرائیں۔

واضح رہے کہ محکمہ ایکسائسز اینڈ ٹیکسیشن و انسداد منشیات نے پراپرٹی ٹیکس نادہندگان کی سہولت کے لیے ٹیکس جمع کروانے کی تاریخ 31 دسمبر 2019 سے بڑھا کر 31 جنوری 2020 کر دی گئی، تاریخ گزرنے کے بعد پراپرٹی ٹیکس نادہندہ گان کے خلاف سخت کارروائی کی جائے گی۔

Comments

یہ بھی پڑھیں