بھارت میں مودی سرکار کا ایک اور متعصبانہ اقدام سامنے آیا ہے اور نئے تعلیمی سال میں نصاب سے مسلم مغل سلطنت کے ابواب خارج کر دیے گئے ہیں۔
بھارتی میڈیا کے مطابق انڈیا کے نیشنل کونسل آف ایجوکیشنل ریسرچ نے اسکولوں اور کالجوں کے نصاب میں تبدیلی کر دی ہے اور بارھویں جماعت کی تاریخ کی کتاب سے 16 ویں اور 17 ویں صدی عیسوی میں مغل سلطنت سے متعلق باب خارج کر دیا ہے۔ حکومت کے اس اقدام پر مودی سرکار کو سوشل میڈیا پر صارفین کی کڑی تنقید کا سامنا کرنا پڑ رہا ہے۔
اسی طرح بارہویں جماعت کی سوکس کی کتاب سے دنیاوی سیاست میں امریکی کردار اور سرد جنگ سے متعلق باب بھی حذف کر دیے گئے ہیں، اس کے ساتھ ہی ’مقبول تحریکوں کے عروج‘ اور ’ایک جماعت کی حکمرانی‘ سے متعلق باب بھی بارہویں جماعت کی نئی کتابوں کا حصہ نہیں ہوں گے۔
رپورٹ کے مطابق نئے نصاب کا اطلاق ملک بھر میں ’نیشنل کونسل آف ایجوکیشنل ریسرچ‘ سے منسلک تمام تعلیمی اداروں پر ہوگا۔
بھارتی حکومت کے اس متعصبانہ اقدام پر سوشل میڈیا صارفین شدید برہم ہیں اور وہ مودی سرکاری پر کڑی تنقید کر رہے ہیں۔
ایک صحافی سواتی چتُرویدی نے ایک ٹویٹ میں لکھا کہ ’صرف جاہل ہی ایسا کر سکتے ہیں۔‘
Of all the epically harmful decisions taken by the Modi government demon & now erasing the Mughals from indian history texts books are pretty high in the list. Only illiterates can do this
— Swati Chaturvedi (@bainjal) April 4, 2023
روہت روہن نے ایک ٹویٹ میں لکھا کہ ’ان سیاست دانوں کا مقصد ایک جاہل، غیر ہمدرد اور بے روزگار نوجوان نسل تیار کرنا ہے تاکہ انہیں اپنی پارٹی کے ایجنڈے اور مقصد کے حصول کے لیے ہتھیار کے طور پر استعمال کیا جا سکے۔‘
These politicians aim to prepare an illiterate, unsympathetic, and unemployed youth as a weapon to serve their goal and party agenda. They have nothing to do with country’s interest. Omission of Mughals from history text books and rewriting them is one such step. https://t.co/VTD5x68fPl
— ROHIT ROHAN (@rohan_rohit) April 4, 2023
انڈیا میں مغلیہ تاریخ پر عبور رکھنے والی محقق ڈاکٹر کیتھرین شوفیلڈ نے اس فیصلے کو ’مضحکہ خیز‘ قرار دیتے ہوئے لکھا کہ ’مغلوں نے انڈیا پر 200 سال حکومت کی اور پیچھے ایک پائیدار نقوش چھوڑ گئے ہیں۔‘
This RIDICULOUS. The Mughals ruled over much of India for over 200 years (technically over 300) and left behind an enduring legacy.
Love them, loathe them, or really not care — leaving the Mughals out of school history textbooks won’t magic them away. https://t.co/c6VOoBoaP5
— Dr Katherine Schofield 🇬🇧🇦🇺 (@katherineschof8) April 3, 2023
انہوں نے مزید لکھا کہ چاہے ان سے پیار کریں، نفرت کریں یا ان کی بالکل پروا ہی نہ کریں، مغلوں کو اسکول کی تاریخ کتابوں سے نکال دینے سے مغل غائب نہیں ہوجائیں گے۔
