اکثر خواتین اپنے چہرے کی ترو تازگی برقرار رکھنے کیلئے بازاروں میں ملنے والی قیمتی فیشل کریمیں استعمال کرتی ہیں جس سے بعض اوقات الرجی اور دیگر جلدی امراض کی شکایات پیدا ہوجاتی ہیں۔
معروف ہربلسٹ ڈاکٹر بلقیس نے اپنے وی لاگ میں ٹماٹر سے فیشل بنانے کے بارے میں بتایا ہے، جس کے کوئی مضر اثرات نہیں ہیں اور اچھی بات یہ ہے کہ یہ نسخہ بہت سستا اور ہر قسم کی جلد کے لیے موزوں ہے۔
ان کا کہنا ہے کہ 15ہزار روپے والا فیشل اب گھر میں صرف 100 روپے میں تیار کرسکتی ہیں، اس فیشل سے ملنے والا گُلو پارلر سے کرائے گئے فیشل سے کسی طرح بھی کم نہیں ہے۔
انہوں نے بتایا کہ اس کا پہلا اسٹیپ کلینزنگ ہے، سب سے پہلے کلینزنگ کی جاتی ہے اس کے لئے ٹماٹر کا چھلکا اتار کر اور بیج نکال کر اس کی پیوری بنالیں اور اس میں 1 چمچ خشک دودھ ملا لیں اور کلینزنگ کرلیں۔
اسکربنگ کرنے کیلئے ان کا کہنا تھا کہ رات بھر بھیگی ہوئی خشخاش کو پیس لیں۔ ایک چمچ پسی ہوئی خشخاش، ایک چمچ چینی اور ٹماٹر کا رس ملا لیں۔ یہ بہترین اسکرب تیار ہوگیا۔
ماسک بنانے کیلئے ایلوویرا جیل ایک چمچ، اسپغول کی بھوسی ایک چمچ اور 1 چمچ ٹماٹو کی پیوری ملا کر ماسک بنائیں۔
مساج کا طریقہ بتاتے ہوئے انہوں نے کہا کہ اس فیشل میں مساج آخری اسٹیپ میں کیا جاتا ہے، اس کے لئے دو چمچ دہی، دو چمچ خشک دودھ اور دو چمچ ٹماٹو پیوری ملائیں اور اس سے مساج کریں۔
اسپرے کرنے کیلئے عرق گلاب 50 ملی لیٹر اور ٹماٹر کا رس 50 ملی لیٹر اور ایلو ویرا جیل بھی 50 ملی لیٹر ملا کر اسپرے بوتل میں بھر لیں اور آخر میں مساج کریں۔ اس عمل کے بعد آپ اپنے چہرے کی چمک دیکھ کر آپ خود حیران رہ جائیں گی۔
ان کا کہنا تھا کہ ٹماٹر میں وٹامن سی کی بڑی مقدار پائی جاتی ہے جو جلد سے داغ دھبے دور کرنے اور جلد کو چمک دار بنانے میں اہم کردار ادا کرتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
