The news is by your side.

Advertisement

شناختی کارڈز کی مدت بڑھا دی گئی

کراچی:‌ نیشنل ڈیٹابیس رجسٹریشن اتھارٹی (نادرا) نے یکم ستمبر 2019 سے30جون 2020 کو ختم ہونے والے شناختی کارڈز کی مدت بڑھادی۔

تفصیلات کے مطابق نادرا نے کورونا وائرس کے خطرات کے باعث عوام کے لیے اہم فیصلہ کیا ہے، 30 جون تک ختم ہونے والے شناختی کارڈز کی مدت بڑھا دی گئی ہے۔

نادرا سندھ کا کہنا ہے کہ یکم ستمبر 2019 سے30جون 2020 کو ختم ہونے والے شناختی کارڈز کی مدت یکم جولائی تک کردی گئی ہے۔

نادرا سندھ کا کہنا ہے کہ درخواست گزار شناختی کارڈ میں ترمیم کیلئے آن لائن درخواست دے سکتے ہیں۔

یہ بھی پڑھیں: سندھ حکومت کا 15 دن کیلئے ریسٹورنٹ اور شاپنگ مالز بند کرنے کا فیصلہ

کورونا وائرس کے باعث نادرا ملازمین کو بائیومیٹرک حاضری لگانےسے روک دیا گیا ہے اور انہیں مینول طریقے سے حاضری لگانے کی ہدایت کی گئی ہے۔

واضح رہے کہ نادرا بلوچستان نے ہیڈآفس دو ہفتوں کے لیے بند کر دیا ہے، پابندی کی مدت میں اضافہ کو کورونا وائرس سے ہونے والی پیش رفت کے حساب سے کیا جائے گا۔

fb-share-icon0
Tweet 20

Comments

comments

یہ بھی پڑھیں