خیبرپختونخوا کے قبائلی علاقے ضلع اورکزئی میں کوئلے کی کان میں دھماکے کے نتیجے میں کم از کم 7 مزدور جاں بحق ہوگئے۔
اے آر وائی نیوز کی رپورٹ کے مطابق کوئلے کی کام میں دھماکا لوئر اورکزئی کے علاقے ڈولی میں ہوا۔
ڈی پی او نذیر خان کا کہنا ہے کہ کان سے مزید 4 مزدوروں کی لاشیں نکال لی گئیں، کان میں دھماکے سے جاں بحق مزدوروں کی تعداد 7 ہوگئی۔
- Advertisement -
ان کا مزید کہنا ہے کہ مزید پھنسے مزدوروں کو نکالنے کے لیے ریسکیو آپریشن جاری ہے، دھماکے کے وقت کان میں 13 مزدور کام کر رہے تھے۔
