ڈیرہ اسماعیل خان میں کلاچی کے علاقے میں پولیس گاڑی کے قریب دھماکا ہوا ہے جس کے نتیجے میں 5 اہلکار شہید اور 2 زخمی ہو گئے ہیں۔
اے آر وائی نیوز کے مطابق دہشتگردی کا یہ واقعہ صوبہ خیبر پختونخوا میں کلاچی کے علاقے گرہ اسلم میں پیش آیا جہاں پولیس کی گاڑی کے قریب ایک دھماکا ہوا جس کے نتیجے میں 5 اہلکار شہید اور دو زخمی ہوگئے ہیں۔
پولیس کا کہنا ہے کہ شہید اور زخمی اہلکاروں کو ہیلی کاپٹر کے ذریعے ڈیرہ اسماعیل خان منتقل کیا جا رہا ہے۔
- Advertisement -
واضح رہے کہ آج ملک بھر میں عام انتخابات کے سلسلے میں پولنگ جاری ہے۔ آج صبح ٹانک میں پولنگ عملے پر فائرنگ کا واقعہ پیش آیا تھا جس میں سیکیورٹی اہلکار شہید ہو گیا تھا جب کہ گزشتہ روز پشین اور قلعہ سیف اللہ میں دھماکوں کے دو واقعات میں 29 افراد شہید اور درجنوں زخمی ہوئے تھے۔
