لیورپول : برطانیہ کے ایک ہسپتال کے باہر ایک ٹیکسی میں ہونے والے دھماکے میں ایک شخص ہلاک اور ایک دیگر زخمی ہوگیا۔ پولیس نے اس سلسلے میں تین افراد کو گرفتار کیا ہے تاہم دھماکے کی نوعیت غیر واضح ہے۔
لیورپول وومنز ہاسپیٹل کے باہر اتوار کے روز ہونے والے دھماکے کے بعد پولیس اور دیگر سیکورٹی ایجنسیاں معاملے کی تفتیش کر رہی ہیں۔ تاہم اب تک کوئی بات واضح طور پر سامنے نہیں آئی ہے۔
گریٹر مانچسٹر پولیس نے ٹوئٹ کرکے بتایا کہ تین افراد کو برطانیہ کے انسداد دہشت گردی قانون کے تحت گرفتار کیا ہے۔ ان کی عمریں 21 سے 29 برس کے درمیان ہے۔
#UPDATE | Counter Terrorism Police North West can confirm we are investigating this incident with support from @MerseyPolice, and are keeping an open mind as to what caused the explosion.
We’re working at a rapid pace to establish the circumstances and will update in due course. https://t.co/VarR4iGbUE
— Greater Manchester Police (@gmpolice) November 14, 2021
پولیس کا کہنا ہے کہ انسداد دہشت گردی کے شعبے سے وابستہ افسران فی الحال اس معاملے کو دیکھ رہے ہیں۔
مرسی سائیڈ کاؤنٹی پولیس کی طرف سے جاری ایک بیان میں کہا گیا ہے کہ ہم کھلے ذہن سے اس پر غور کررہے ہیں تاکہ یہ معلوم کیا جاسکے کہ یہ سب کیسے ہوا۔ احتیاط کے طور پر انسداد دہشت گردی پولیس کیس کی تفتیش کررہی ہے۔
Another picture of the blazing car outside the Women’s earlier today. pic.twitter.com/ivShsVoN4S
— Alan Weston (@alanweston) November 14, 2021
ٹیکسی میں یہ دھماکہ لیورپول وومنز ہاسپیٹل کے باہر عالمی میعاری وقت کے مطابق صبح گیارہ بجے سے ذرا پہلے ہوا۔ زخمی ہونے والے شخص کی حالت پہلے سے بہتر ہے۔ متاثرین کے حوالے سے اب تک مزید کوئی اطلاعات جاری نہیں کی گئی ہیں۔
مقامی میڈیا ذرائع کے مطابق ان لوگوں کو گرفتار کرنے سے قبل مسلح پولیس اہلکاروں نے دو علاقوں میں مکانوں اور کئی سڑکوں کا محاصرہ کرلیا تھا۔
