لاہور: والٹن اور برکی روڈ کے اطراف میں فائرنگ اور دھماکوں کی آوازیں آنے پر لاہور کے کچھ حصوں میں خوف و ہراس پھیل گیا۔

تفصیلات کے مطابق لاہور کے علاقے والٹن ،کے اطراف فائرنگ اور دھماکوں کی آوازیں سنی گئیں، جس کے بعد سائرن بج اٹھے، ذرائع نے بتایا کہ آسمان میں پیراشوٹ پر فائرنگ کی جارہی ہے۔

اس سے قبل ڈی جی آئی ایس پی آرنے پریس کانفرنس میں بتایا تھا کہ بھارت نے سات اور آٹھ مئی کی درمانی شب پھر دراندازی کی کوشش کی۔ جس پر بھارت کے بارہ ڈرون مار گرائے۔

انھون نے بتایا کہ لاہور، گوجرانوالہ، راولپنڈی، اٹک، بہاولپوراورکراچی میں ڈرون حملے کیے،۔ سندھ کےعلاقے میانوں میں ڈرون حملے میں ایک شخص شہید اورایک زخمی ہوا جبکہ لاہورکے قریب ڈرون حملے میں پاک فوج کے چارجوان زخمی ہوئے اور فوجی تنصیبات کومعمولی نقصان پہنچا۔

مزید پڑھیں : بھارت کی ایک بار پھر جارحیت کی کوشش، 12 ڈرون حملوں کو ناکام بنادیا گیا

یاد رہے آج صبح بھی والٹن روڈ کے علاقے میں یکے بعد دیگرے 3 دھماکے ہوئے تھے، جس نے لوگوں کو خوف زدہ کر دیا تھا۔

پولیس کا کہنا تھا کہ والٹن روڈ کے علاقے میں تین زوردار دھماکے ہوئے، دھماکوں کی آوازیں کئی کلو میٹر دور تک سنی گئیں، دھماکے سن کر لوگ گھروں سے باہر نکل آئے۔