سبی میں جناح روڈ پر موٹرسائیکل میں نصب بارودی مواد کا دھماکا ہوا ہے۔
اے آر وائی نیوز کے مطابق سبی کے جناح روڈ پر ہونے والے بارود مواد کے دھماکے میں 4 افراد جاں بحق اور 5 شدید زخمی ہوگئے۔
سبی جناح روڈ پر پی ٹی آئی کی ریلی گزرنے کے وقت زور دار دھماکہ ہوا دھماکہ موٹر سائیکل میں نصب بم کی وجہ سے ہوا۔
جاں بحق افراد میں حماد. عبد الواسع۔ محمد رفیق اور ایک نامعلوم شخص شامل ہیں۔
پولیس نے علاقے کو گھیرے میں لے کر بم ڈسپوزل اسکواڈ کو طلب کرلیا ہے۔
ذرائع کا بتانا ہے کہ نجی بینک کے قریب موٹر سائیکل کھڑی تھی جس میں زور دھماکا ہوا ہے جبکہ پولیس ذرائع کا کہنا ہے کہ زخمیوں کو اسپتال منتقل کردیا گیا جہاں دو زخمیوں کی حالت تشویش ناک بتائی گئی ہے۔
