نئی دہلی: بھارت نے بین الاقوامی پروازوں پر عائد پابندی میں 31 جولائی تک توسیع کردی۔
غیرملکی خبررساں ادارے کی رپورٹ کے مطابق 31 جولائی تک بین الاقوامی پروازیں بھارت آسکیں گی اور نہ ہی اڑان بھرنے دیا جائے گا ہاں البتہ خصوصی فلائٹس بحال رہیں گی۔
بھارتی سول ایوی ایشن نے اکتیس جولائی تک بین الاقوامی پروازوں پر پابندی میں توسیع کی ہے ممکنہ طور پر یکم اگست سے سرحدیں کھل جائیں گی۔
بھارت میں بین الاقوامی پروازیں آج سے یعنی 30 جون سے بحال ہونا تھیں لیکن حکومت نے کورونا کی موجودہ صورت حال کو دیکھتے ہوئے پابندی برقرار رکھنے کا فیصلہ کیا۔
تاہم مال بردار طیارے اور بھارتی سول ایوی ایشن کی جانب سے منظور شدہ پروازوں کو اس حکم سے مستثنیٰ قرار دیا گیا ہے۔ اسی طرح اندرون ملک فلائٹس بھی آپریٹ ہوتی رہیں گی۔
یاد رہے کہ بھارت نے 23 مارچ 2020 کو کورونا بحران کے پیش نظر بین الاقوامی پروازیں بند کی تھیں۔
