اسلام آباد: پاکستان میں عام انتخابات کے ذریعے آنے والی نئی منتخب حکومت کو آتے ہی بڑی معاشی مشکل کا سامنا ہوگا۔
تفصیلات کے مطابق ایکسٹرنل فنانسنگ سے متعلق ایک اہم سرکاری دستاویز میں نشان دہی کی گئی ہے کہ نئی منتخب حکومت آتے ہی کس شدید معاشی مشکل کے دلدل میں پھنس جائے گی۔
دستاویز کے مطابق پاکستان کو 4 سال میں 111 ارب ڈالرز کی ایکسٹرنل فنانسنگ کی ضرورت ہوگی، اور رواں مالی سال 30 جون 2024 تک 8 ارب 10 کروڑ ڈالر کا غیر ملکی قرضہ واپس کرنا ہوگا۔
پشین میں انتخابی دفتر کے قریب دھماکا، 12 افراد جاں بحق، متعدد زخمی
دستاویز میں کہا گیا ہے کہ 30 جون 2025 تک 22 ارب 24 کروڑ 50 لاکھ ڈالرز کی بیرونی فنڈنگ درکار ہوگی، مالی سال 2026 میں 24 ارب 68 کروڑ ڈالرز کی بیرونی فنانسنگ کی ضرورت ہوگی، مالی سال 2027 میں بیرونی فنانسنگ مد میں 24 ارب 92 کروڑ ڈالرز کی ضرورت ہوگی، جب کہ مالی سال 2028 میں پاکستان کو 31 ارب 19 کروڑ ڈالرز بیرونی فنڈنگ درکار ہوگی۔
دستاویز کے مطابق حکومت نے آئی ایم ایف کو بیرونی فنانسنگ کے انتظامات کی یقین دہانی کرا دی ہے۔
