The news is by your side.

Advertisement

آنکھوں کا میک اپ کرتے ہوئے یہ باتیں یاد رکھیں

آنکھوں پر سلیقے سے کیا گیا میک اپ نہ صرف آنکھوں کو خوبصورت بنا دیتا ہے بلکہ چہرے کے نقوش کو بھی ابھار دیتا ہے، تاہم اس کے لیے ضروری ہے کہ آنکھ کی قسم سے واقفیت ہو تاکہ اس حساب سے میک اپ کیا جائے۔

اے آر وائی ڈیجیٹل کے مارننگ شو گڈ مارننگ پاکستان میں ماہر بیوٹیشنز نے آنکھوں کے میک اپ کے لیے کارآمد ٹپس دیں۔

بینش پرویز نے بتایا کہ بہت زیادہ تہوں والی آنکھ میں گلیٹر لگانے سے گریز کرنا چاہیئے کیونکہ گلیٹر لگایا ہی آنکھ کو بڑا اور بھاری دکھانے کے لیے جاتا ہے۔

انہوں نے کہا کہ آنکھ پر گلیٹر لگاتے ہوئے خیال رکھیں کہ وہی گلیٹر لگائیں جو خاص طور پر آنکھوں کے لیے بنائے جاتے ہیں، کسی بھی قسم کے گلیٹرز لگا لینے سے گریز کیا جائے۔

نادیہ خان کا کہنا تھا کہ ہر آنکھ کی الگ قسم ہوتی ہے، کسی پر آئی لائنر آنکھوں کو بڑا کردیتا ہے کسی کو دبا دیتا ہے۔

انہوں نے کہا کہ بعض دفعہ آئی لائنر کو باہر کی طرف کر کے لگانے سے آنکھ بڑی لگتی ہے۔

Comments

یہ بھی پڑھیں