اتوار, فروری 9, 2025
اشتہار

امریکی لڑاکا طیارہ گر کر تباہ، پائلٹ ہلاک

اشتہار

حیرت انگیز

کیلیفورنیا : امریکی فضائیہ کا ایک لڑاکا طیارہ کیلیفورنیا میں ایک فوجی اڈے کے قریب گر کر تباہ ہوگیا، حادثے کی وجوہات جاننے کیلئے تحقیقات جاری ہیں۔

اس حوالے سے امریکی میرین کور کی جانب سے واقعے کی تصدیق کردی گئی ہے تاہم طیارے کے ملبے اور اس میں سوار پائلٹ کی لاش کی تلاش کا کام شروع کردیا گیا ہے۔

امریکی میرین کور نے تصدیق کی ہے کہ کیلیفورنیا میں ایک فوجی اڈے کے قریب امریکی لڑاکا طیارہ گر کر تباہ ہونے سے ایک پائلٹ ہلاک ہوگیا۔

ایف/اے 18 ہارنیٹ جیٹ میرین کور ایئر اسٹیشن میرامار کے قریب سان ڈیاگو کے مرکز سے تقریباً 15 میل کے فاصلے پر گر کر تباہ ہوا۔

میرین کور ایئر اسٹیشن ( ایم سی اے ایس ) کی جانب سے جاری کردہ بیان میں بتایا گیا ہے کہ حادثے کے نتیجے میں زمین پر املاک کو نقصان پہنچنے کے کوئی اشارے نہیں ملے۔

این بی سی نیوز کے مطابق سان ڈیاگو فائر ریسکیو ڈیپارٹمنٹ کا عملہ اور ایک ہیلی کاپٹر طیارے کے ملبے کی تلاش میں مصروف ہیں۔

خیال رہے کہ 2008 میں بھی میرامار سے چلنے والا ایک ایف/اے 18 سان ڈیاگو کے ایک رہائشی علاقے میں گرگیا تھا جس کے نتیجے میں میں چار افراد ہلاک ہو گئے تھے جبکہ پائلٹ واقعے میں محفوظ رہا تھا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں