لندن : برطانوی دارالحکومت میں کھیلے گئے ایف اے کپ میں لیسٹرسٹی ایک گول سے فائنل جیت کر پہلی مرتبہ فاتح قرار پایا۔
غیرملکی میڈیا کے مطابق برطانوی دارالحکومت لندن کے ویمبلے اسٹیڈیم میں ایف اے کپ کا فائنل لیسٹر سٹی اور چیلسی کے درمیان کھیلا گیا، میچ کے دوران دونوں ٹیموں نے جیت کےلیے سرتوڑ کوشش کی تاہم کامیابی لیسٹرسٹی کے حصے میں آئی۔
میچ کا پہلا ہاف بغیر کسی گول کے اختتام ہوا لیکن دوسرے ہاف میں 62 ویں منٹ پر ٹائیلیمنز سے زبردست گول مار کر لیسٹر کو مخالف ٹیم پر برتری دلوائی اور لیسٹر سٹی ایک صفر سے میچ جیت گئی کیوں کہ کھیل کے آخر تک مزید کوئی گول نہ ہوسکا۔
فائنل جیتنے والی لیسٹرسٹی کے کھلاڑیوں نے جیت کا جشن فلسطینی پرچم لہرا کر فلسطینیوں سے اظہار یکجہتی کرتے ہوئے منایا۔
خیال رہے کہ لیسٹر سٹی اس سے قبل ایف اے کپ کا ٹائٹل حاصل کرنے میں ناکام رہی ہے۔
زاہد نور اے آر وائے نیوز کے ساتھ مانچسٹر سے بطور نمائندہ خصوصی منسلک ہیں
