نیویارک : فیس بک کے بانی بھی مسلمانوں کی حمایت میں سامنے آگئے، مارک کا کہنا ہے کہ مسلمانوں کیلئے ایک پر امن اور محفوظ ماحول مہیا کرنے میں مدد کریں گے۔
امریکی صدارت کے خواب دیکھنے والے ڈونلڈ ٹرمپ کے مسلمانوں کے خلاف بیان پر دنیا بھر سے ڈونلڈٹرمپ کو شدید تنقید کا سامنا ہے، عالمی رہنماؤں اور سول سوسائٹی کے بعد فیس بک کے بانی مارک زوکر برگ بھی میدان میں آگئے۔
مارک زوکربرگ کا مسلمانوں کی حمایت کا اظہار کرتے ہوئے کہنا تھا کہ ایک یہودی ہونے کے ناطے میرے والدین نے مجھے تمام مذاہب کی حمایت کا درس دیا ہے۔
- Advertisement -
مارک زوکر برگ کا فیس بک پوسٹ میں کہنا تھا کہ کسی بھی کمیونٹی کو نشانہ بنایا گیا تو اس کے ساتھ کھڑا ہوں گا، مسلمانوں کو بتانا چاہتا ہوں کہ ان کے حقوق کی حفاظت کروں گا.
