موسم گرما میں دھوپ کی سختی سے جلد جھلسنے لگتی ہے، ایسے میں کھیرے سے جلد کی خوبصورتی کو بحال کرنا نہایت آسان ہے۔

کھیرے کے استعمال سے جِلد کی خوبصورتی برقرار رہتی ہے، کھیرے کے قتلے بنا کر آنکھوں پر رکھے جائیں تو اس سے آنکھوں کی سوجن اور ان کے گرد بننے والے سیاہ حلقے بھی ختم ہونے لگتے ہیں۔

آج آپ کو کھیرے کا ماسک بنانے کا طریقہ بتایا جارہا ہے جو جلد کی حساسیت کو کنٹرول کرے گا۔

ایک پیالے میں 5 چمچ چاول کا آٹا، 2 چمچ کھیرے کا رس، 1 چمچ لیموں کا رس، 2 چمچ آلو کا رس اور 1 چمچ ایلو ویرا جیل ڈال کر مکس کریں۔

اس پیسٹ کو چہرے پر لگائیں اور 20 منٹ کے لیے چھوڑ دیں، پھر سادے پانی سے دھو کر خشک کرلیں، اب ایک چمچ ناریل کا تیل جلد پر روزانہ دن میں کسی بھی وقت 5 منٹ کے لیے لگائیں اور دھو لیں۔

اس سے جلد کی حساسیت بھی کنٹرول ہوگی اور آپ کی جلد نکھر بھی جائے گی۔