دبئی میں انڈر19 ایشیا کپ کا آغاز ہونے جارہا ہے جس کے گروپ مرحلے میں پاکستان اور بھارت کی ٹیمیں آمنے سامنے آئیں گی۔
پاکستان انڈر 19 ٹیم کے بیٹر شامل حسین کا کہنا ہے کہ ایشیا کپ بڑا ایونٹ ہے۔ ہمیں بھارت سے کھیلنے کا کوئی خوف نہیں۔ حریف کھلاڑیوں کے خلاف ہوم ورک کریں گے اور پروفیشنل ازم دکھائیں گے۔
شامل حسین نے اے آر وائی سے گفتگو کرتے ہوئے کہا کہ ہمیں بھارت سے کھیلنے کا خوف بالکل بھی نہیں ہے۔ ہم بھی کھیلنے جارہے ہیں اور وہ بھی کھیلنے آرہے ہیں۔
انھوں نے کہا ہم ان کے پلیئرز پر ریسرچ کریں گے اور دیکھیں گے کہ وہ لوگ کس طرح کھیلتے ہیں۔ جس چیز کی ٹیم کو ضرورت ہو وہی کرنا چاہیے اگر آپ 100 رنز کر لیں اور ٹیم ہار جائے تو اس کا کوئی خاص فائدہ نہیں ہے۔
پاکستانی کرکٹر نے کہا کہ میں یہ کوشش کرتا ہوں کہ ٹیم کی صورتحال کو مدنظر رکھتے ہوئے کھیلوں۔ اگر وکٹ پر کھڑا ہونا ضروری ہے تو رک کرکھیلوں، اگر اٹیک ضروری ہے تو پھر جارحانہ طریقے سے کھیلوں۔
https://twitter.com/AaliHasan10/status/1732027780949282983?ref_src=twsrc%5Etfw%7Ctwcamp%5Etweetembed%7Ctwterm%5E1732027780949282983%7Ctwgr%5Eb51298543c28e5732ba0a011c9098fca65ae7d91%7Ctwcon%5Es1_c10&ref_url=https%3A%2F%2Fpublish.twitter.com%2F%3Furl%3Dhttps%3A%2F%2Ftwitter.com%2FAaliHasan10%2Fstatus%2F1732027780949282983
واضح رہے کہ ایشیا کپ ایونٹ کے گروپ اے میں پاکستان کے ساتھ نیپال، افغانستان اور بھارت کی ٹیمیں موجود ہیں۔ نیشنل کرکٹ اسٹیڈیم میں پاکستان انڈر 19 ٹیم کی تیاریاں جاری ہیں۔
