ریاض: خلیج تعاون کونسل (جی سی سی) کے اجلاس میں ولی عہد شہزادہ محمد بن سلمان نے جو ماسک پہنا تھا، لوگوں کی توجہ کا مرکز بن گیا۔
تفصیلات کے مطابق منگل کو جی سی سی کانفرنس کے دوران محمد بن سلمان کا پہنا ہوا ماسک برانڈ سوشل میڈیا پر اتنا مقبول ہو گیا کہ دیکھتے ہی دیکھتے مارکیٹ سے ختم ہو گیا۔
صارفین نے ولی عہد کی فیس ماسک والی تصاویر شیئر کرتے ہوئے اس کے بارے میں استفسار کیا، نشان دہی ہوتے ہی لوگوں نے اسے خریدنے کے لیے مارکیٹ کا رخ کیا اور پھر مذکورہ برانڈ کا ماسک دیکھتے ہی دیکھتے غائب ہو گیا۔
یہاں تک کہ مذکورہ برانڈ کا ماسک فروخت کرنے والی آن لائن شاپس کو ’سولڈ آؤٹ‘ کا پیغام جاری کرنا پڑا، یعنی مذکورہ برانڈ کے ماسک فروخت ہو کر ختم ہو چکے ہیں۔
كمامة محمد بن سلمان صارت سولد اوت😂❤️
— ٰالمُنيـرة . (@M_Munira3) January 5, 2021
خریداروں کی دل چسپی دیکھتے ہوئے سوشل میڈیا پر صارفین نے مختلف شہروں میں دکانوں اور آن لائن شاپس کے لنک سمیت مذکورہ برانڈ تیار کرنے والی کمپنی کا لنک بھی شیئر کیا۔
شہر العلاکے ایک ٹویٹر صارف نے لکھا کہ اس نے پورے شہر میں تلاش کیا، لیکن ہر دکان سے ماسک فروخت ہو چکے تھے، بعض صارفین نے فخریہ بتایا کہ یہ ماسک ان کے پاس پہلے سے موجود تھا، خوشی ہے کہ ہم بھی وہی ماسک پہنتے ہیں جو ولی عہد کو پسند ہے۔
خوبیوں والا ماسک
شہزادہ محمد بن سلمان نے جو ماسک پہنا تھا وہ ایئر کوین کمپنی کا نانو 3 ڈی فائبر ماسک ہے جس کا وزن صرف 5 گرام ہے، اس کی متعدد خوبیوں میں سے ایک خوبی یہ ہے کہ پہننے کے بعد یہ چہرے پر مضبوطی سے فٹ ہو جاتا ہے۔
يالله صباح خير .. 🙋🏻♂️
جلست اتلقف بالاخبار و كذا لقيت صوره لولي العهد الامير محمد بن سلمان و شيخ قطر تميم بن حمد ال ثاني لابسين كمامه مثل الي موجوده عندي .. والله ي اني انبسطت و حسيت ان فعلاً الكمامه الي عندي قويه و مطلوبه 🤍😂 pic.twitter.com/czk3M4E2L8— عبدالله (@33z) January 6, 2021
اس ماسک میں سے غبار کے ذرات بھی نہیں گزر سکتے اور یہ آکسیجن کو بھی نہیں روکتا، مقامی مارکیٹ میں اس کی قیمت 105 ریال ہے۔
