The news is by your side.

Advertisement

فیس بک اور انسٹا گرام کا سسٹم ٹھپ، دنیا بھر میں سروس متاثر

سان فرانسسکو: سماجی رابطے کی سب سے بڑی ویب سائٹ فیس بک کا سسٹم اچانک کریش ہوگیا جس کے باعث دنیا بھر کے صارفین کو مشکلات کا سامنا ہے۔

غیر ملکی خبررساں ادارے کی رپورٹ کے مطابق ہیکرز  نے بیک وقت فیس بک اور انسٹاگرام کے سسٹم میں داخل ہونے کی کوشش کی جس کے بعد لاکھوں صارفین سروس سے محروم ہوگئے۔

امریکا، برطانیہ، یورپ، آسٹریلیا، جنوبی امریکا، پاکستان، بھارت سمیت دیگر ممالک میں سوشل میڈیا استعمال کرنے والے صارفین اکاؤنٹس تک رسائی حاصل نہیں کر پارہے۔

مزید پڑھیں: فیس بک کا سسٹم کریش، صارفین کو مشکلات کا سامنا

امریکی نشریاتی ادارے کی رپورٹ میں دعویٰ کیا گیا ہے کہ گزشتہ روز بھی فیس بک کی ویب سائٹ، ایپ اور میسنجر تک ہیکرز نے رسائی حاصل کرنے کی کوشش کی تھی جس کے بعد سروس متاثر ہوئی تھی۔

The global outage has affected users in the US, UK, mainland Europe and parts of Australia and South America 

انسٹا گرام استعمال کرنے والے صارفین ویب کے ذریعے اکاؤنٹس تک رسائی حاصل ہورہی ہے جبکہ موبائل ایپلیکیشن بالکل بھی کام نہیں کررہی۔

فیس بک کے ترجمان نے تصدیق کرتے ہوئے کہا کہ سسٹم کریش ہونے کی وجہ سے انٹرنیٹ براؤزر اور موبائل ایپ پر صارفین کو مشکلات کا سامنا ہے، کمپنی نے تکنیکی ماہرین کی خدمات حاصل کرلی ہیں جو خرابی کو دور کرنے پر کام کررہے ہیں۔

Users on both popular platforms have been left unable to load the apps and hundreds of people have been left unable to access their accounts

فیس بک ترجمان نے امید ظاہر کی کہ جلد خرابی کو دور کردیا جائے گا جس کے بعد دنیا بھر میں بسنے والے تمام ہی لوگ آئی ڈیز تک رسائی حاصل کرسکیں گے۔

علاوہ ازیں انسٹاگرام نے اس حوالے سے کسی بھی قسم کا تبصرہ کرنے سے گریز کیا۔

Comments

comments

یہ بھی پڑھیں