The news is by your side.

Advertisement

کرونا وائرس، آن لائن ماسک فروخت کرنے والے بڑی مشکل میں پھنس گئے

سان فرانسسکو: دنیا بھر میں پھیلنے والے مہلک وائرس کووڈ 2019 نے سب کو خوف زدہ کیا ہوا ہے اور سماجی رابطے کی ویب سائٹس پر اس حوالے سے بہت ساری افواہیں بھی زیر گردش ہیں۔

سوشل میڈیا کمپنیز نے کرونا وائرس سے متعلق بے بنیاد افواہوں کو روکنے کے لیے مختلف اقدامات کیے تاکہ صارفین کسی بھی بڑی پریشانی سے محفوظ رہ سکیں۔

فیس بک نے سرجیکل ماسک کے حوالے سے شائع ہونے والے تمام اشتہارات فی الفور بند کرنے کا اعلان کردیا۔

کمپنی کے مطابق اس اقدام کا مقصد یہ ہے کہ ہر شخص مارکیٹ سے ہی ماسک خریدے اور کوئی بھی کرونا وائرس کے حوالے سے ناجائز فائدہ نہ اٹھا سکے۔

مزید پڑھیں: کرونا وائرس کی نشاندہی کرنے والا اسمارٹ ہیلمٹ‌

یہ بھی پڑھیں: کرونا وائرس سے بچاؤ کیلئے ماہرین نے اہم تجاویز دے دیں

فیس بک نے اس سے قبل ڈبلیو ایچ او کو پیش کش کی تھی کہ وہ کرونا وائرس کی آگاہی سے متعلق اشتہارات فراہم کرے جنہیں بالکل مفت شائع کیا جائے گا۔

یاد رہے کہ چین کے شہر ووہان سے شروع ہونے والا مہلک کرونا وائرس دنیا کے90 سے زائد ممالک میں پھیل چکا ہے  جس سے ایک لاکھ سے زائد افراد متاثر ہوئے جبکہ 3400 سے زائد اموات بھی ہوئیں۔

عالمی ادارۂ صحت نے کرونا وائرس کے بڑھتے ہوئے کیسز کو دنیا بھر کے لیے خطرہ قرار دیتے ہوئے تمام ممالک سے اپیل کی کہ وہ اس معاملے پر سنجیدگی سے سوچیں وگرنہ بہت ساری انسانی جانوں کا ضیاع ہوسکتا ہے۔

fb-share-icon0
Tweet 20

Comments

comments

یہ بھی پڑھیں